معلومات مهمه جدا فى برمجة البولت او البيكو استيشن هاى باور

معلومات مهمه جدا فى برمجة منتجات شركة يوبى كويت امثال البوليت والبيكو
الصوره الجميله اللى انتوا شايفينها دى


المهم اول حاجه rate algorithm

دى ياجدعان بالصلاه عالنبى كده معناها معادلة البث ده بالفلاحى يعنى والعلمى معدل الخوارزميات

عندنا 3 اختيارات هانشرحهم بالترتيب بفرض ان عندنا : خط 1 ميجا مع افتراض ان مسافة الاستقبال 500 مترثبات العوامل الاخرى وان الميجا = 1024KB


1- optimistic سريع

ودى بتمتاز بسرعة نقل البيانات بسرعه عاليه عشان كده اغلبكم بيختارها ولكن بيعيبها انها بتتأثر بما يعرف بالشوشرة او النويز بنسبه كبيره وربنا مايجيب شوشرة ابدا - فنصيحه منى متستخدمهاش الا اما يكون عدد الشبكات اللى حواليك فى نطاق 4 كيلو قليل اوى لانها عاوزه منطقه خاليه من النويز بنسبه كبيره جدا او بمعنى اصح التشانل او القنوات اللى حواليك تكون رايقه - هاتاخد من المود ده احلى شغل
سرعة النقل 1000KB/250KB

2- conservative متوسط

ودى هاتاخد منها سرعة كويسه وخد بالك من كويسه لان الفرق هنا موش بالميجات عشان محدش يتخض
سرعة النقل على المود ده هاتبقى
990kb/245kb
بس فى المقابل هاتبقى نسبة التأثر بالنويز متوسطة - وده بينصح بأستخدامه فى الاماكن اللى الشبكات فيها حلوه ( حلوه حلوه دى ) بمعنى ان القنوات اللى حواليك كل واحد فيهما واخد قناه وكلهم شغالين
3- EWMA
ده اجمد واحلى واظبط (حلوه اظبط دى -- ده انا عليا جمل ياجدعان ) شغل
يعنى لو المنطقه اللى عندك مفحوته شبكات والدنيا بايظه ومفيش اتشانل فاضى وحتى لو فيه فاضى برده هايظبطك
لانه اقل مود فيهم بيتأثر بالنويز وسرعة النقل عليه متوسطه وبينفع فى جميع الاوضاع
سرعة النقل 985kb/242kb
نيجى لاهم حاجه ياجماعه
4-Noise Immunity ودى تقنية من شركة يوبى كويت عشان تنقى التشانل من النويز لاقصى درجة ودى ياجماعه واللهى والهى واللهى مفيده جدا وانا لازم اعلم عليها صح ياريت تشتغلوا بيها وعلى ضمانتى
5- ACK Timeout دى ياجماعه مهمه جدا جدا جدا جدا جدا ودى محدش بيحب يتكلم عنها كتير عشان دى مربط الفرس بالنسبه للناس بتوع تركيب الشبكات
اولا انتا عندك جنبها علامة صح ودى عشان يحدد الاعدادات اوتوماتيك ودى يفضل تستخدمها
اما الناس اللى عاوزه توجع دماغها (ودماغى انا كمان واللهى ) يشوفوا ابعد اكسس بوينت عندهم رابط من على مسافة قد ايه بالظبط يعنى فى الصوره انا عندى ابعد اكسس على بعد 2 كيلوا ورابط على 36 دى بى مع اختلاف المناطق لان فيه اكسس قبله على بعد كيلوا ونص ورابط 32 دى بى المهم بفرض ان المسافه 2 كيلوا تقوم زى الشاطر ضايف 100 متر ثابته وتعدل المؤشر لحد مايقوف على 2.1 كيلو متر
تانى عشان الناس الىل موش فاهمه يعنى لو الاكسس اللى رابط عليك او الزبون اللى موصل منك على بعد واحد كيلوا
تجمع عليها 100 متر يبقى المجموع 1.1 كيلوا متر يبقى تحرك المؤشر لحد 1.1 كيلوا متر
اظن كده وضحت الفكره
طبعا الدنيا كلها والمنتديات اللى جنبنا هاتدخول تقول ليه ياعم وايه الفرق
هاقولك الفرق ببساطه شديده
انا مثلا بكلم محمود صاحبى وهوه واقف على بعد 1000 متر وبنادى بصوت عالى وبقول يا محموووووووووووووووود وسكت طبعا انا عارف انه على ما يسمع كلامى والكلام يتنقل فى الهوه هايخد وقت زى بتاع 4 ثوانى وهوه اما يرد عليها هاياخد 4 ثوانى يعنى انا اعمل حسابى انه هايرد عليا بعد 8 ثوانى من اول اما اخلص كلامى ول اكتر من كده هانادى تانى
طب لو محمود ده واقف جنبى اصلا وانا ناديت واستنيت 8 ثوانى برده والراجل بيتكلم بس انا برده مقتنع انى موش هارود الا بعد 8 ثوانى اكيد الراجل هايتخنق
نفس الحكايه انتا لازم تقول للبولت ان اقصى اكسس عندك على بعد كذا متر عشان يعمل حسابه ان دى اقصى مده هايستناها على ما يبعت كمية الداتا التانيه لو الرقم موش مظبوط البنج بيهيس لان الرد موش كويس
6- ياجماعه الكابل الواصل بين البولت والباور (طبعا كله قال قديمه كله عارفها ) ركز بس والنبى
والله موش اللى فى دماغك الكابل يا جماعه يفضل يكون من نوع STP شيلد بحد اقصى للطول 2 متر ويكون جاهز
انا شغال بيه وبطول 2 متر باتش ( متأرج جاهز ) لو ملقتش يبقى FTP بحد اقصى للطول 1 متر وياريت يكون باتش برده لو ملقتش يبقى نص متر كات 6 وارجيهين حديد وتأرج عادى وبعد كده تجيب اى نص متر سلك نحاس يفضل يكون تلفون وتلفه بشكل حلزونى حوالين السلك وتلحم الطرف فى جنب الارج الحديد والنحيه التانيه كذلك
وبرده بقيت ملحوظات التركيب الكل عارفها ومشهوره ومحفوظه انا بحاول اضيف الجديد بس









========================================

شاهدوا كل جديد من خلال موقعنا www.aboasala.hooxs.com


وأذكروا الله كثيرا الا بذكر الله تطمئن القلوب